KI YES KI BARTHELEMY JOACHIM AKA BATO"

One Show Pam:

OSP: Pale nou de Bato?

Bato: Mwen rele Joachim Barthélemy. Nom atis mwen se Bato. Mwen fet 31 Janvier 1983 nan Potoprens, Ayiti. Mtravay sou mizik Konpa, Jazz, and r&b.Born Again se tit premye albom mwen.

 

OSP: Men avan album Born Again la, eskew pa gen mizik ou chante pou kow?

Bato: Wi, mizik "4 Gason nan 1" la ki sou albom Zenglen an Rezilta Pi Red. Se mwen ki chantel a producel.

 

OSP: Nou tout te konnenw kom gitaris, nou pat konnenw te gen don chante sa. Apre jwe gita a chante, eskew pa gen lot talan anko?

Bato: Mwen chante, mwen jwe gita, e mwen se yon producer

.

OSP: Eskew te aprann mizik nan lekol?

Bato: Bon, mwen komanse jwe gita a lak de 16ans. Mwen te lekol Enarts poum pi avanse nan jwe gita a. Chante a, mwen komanse fe sa lem te gen 26 ans. Premye mizik mwen chante se lem te nan Mass Konpa. Se pandan yon bal ki tap fet àn Afrik, nou te enteprete mizik Coupe Cloue a ki rele Miyan Miyan. Min se nan Zenglen mwen vin fè devotion mwen nan chante.

 

OSP: Ou pale nou de Mass Kompa ak Zenglen, eske se 2 djaz sa yo selman ou pase e komanw fe vinn stab nan Zenglen

Bato: Non, mwen te fe pati de Groove, Back Up, moun pat telman konnen yo. Vre aparisyon mwen vinn fet an anè 2004 avek Mass Kompa. Nan 2007 mwen te kolabore avek Elie Lapointe pou nou te fome yon band ki rele Fuzion, min sa pat two mache. Se apre yon gig mwen te fe a Zenglen an 2014 kem te vin fe yon long skal nan djaz la. Min depi avan sa mte konn travay avek: Edith Lephel, Tanya St. Val, Thierry Cam, a Tambou Combo. Àn Août 2017 mwen te chwazi fe yon lot bagay, mwen fome yon band akoustik.

 

OSP: Kisa ki pousew fòmé band akoustik sa?

Bato: Nan ide poum fe melomane yo plezi, mwen jwe 2 mizik instrumental poum exprimé sam santi. Mwen ajoute blues avek jazz jis pou m pote yon lot koulè .

 

OSP: Palem de nouvo albom sa a nouvo djaz sa.

Bato: Albom la rele Born Again, li gen 8 mizik sou li. Se yon albom map travay depi 2015. Li pranm tan poum te lagel paskem vle lage yon bon bagay. Mwen espère metel deyo nan mwa Novanm sa, mwen poko gen yon dat fiks.

 

OSP: Bato, eskew viv de mizik? Kisa mizik Ayisyen reprezante pou ou?

Bato: Bon mizik Ayisyen reprezante tout vim. Map fe mizik depi a laj de 16 ans, msantil nan sanm.

 

OSP: Bato, kiyes ki model ou nan mizik?

Bato: Mwen chaje model wi! Min si poum chwazi 2 map di Richie a Dadou Pasquet.

 

OSP: Eskew gen lot pwoje ki pa nan sek mizik la?

Bato: Mwen poko non, men se tout rev mwen poum ede timoun ki paka al lekol. Sa se pi gro ed mte ka bay yo pou yon demen miyo.

 

OSP: Ki pi gro souvniw, e ki pi movè souvniw?

Bato: Le yon moun pale de souvni ou ka di se yon kado, son eksperyans. Lavi se pi gro souvni Bondye banm kom kado, mpa gen okenn move souvni.

 

OSP: Poukisa ou chwazi bato kom nonatis ou?

Bato: Bon, se pa mwen ki chwazi nom sa non. Se pandan mwen nan Mass Kompa, Gracia Delva banm non an epi konsal tou rete.

 

OSP: Poun fini, kisaw ta renmen di nou anko?

Bato: Mesi One Show Pam Pou Gwo twavay wap fe nan HMI la ,Mwen di Bondye mesi pou talan ke l ban mwen an. Mapresye  respekte fanatik yo pou support yo banm. 

 

Share on Facebook
Share on Twitter
Please reload

Follow Us
  • Facebook Social Icon
  • Twitter Social Icon
  • Instagram Social Icon
  • Snapchat Social Icon
  • YouTube Social  Icon
Recent Posts
Please reload